|
Avslutning på Dalsnuten (04/06 -10) |
|
|
|
|
Skrevet av Margunn Lygre
|
Det var ein gong, for lenge lenge sidan utanføre ein by langt, langt borte, nærare bestemt Sandnes, at det skulle arrangerast den årlege avslutningsturen til Student-KRIK Stavanger. 4.-5. juni stilte Gud med fint vêr, og Student-KRIKarane med masse godt humør. Målet var Dalsnuten, og i løpet av kvelden kom omlag 38 KRIKarar tuslande oppover bakkane...
Vel framme ved lavoane og KRIK-flagget stod Egil klar og delte oss inn i grupper som skulle kjempa saman gjennom diverse teambuildingspostar. Alt frå tre mann på same par ski til kasting av råtne egg var postar som laget måtte gjennom.
Etter langt om lenge var leikane vel gjennomført og grillane stod klare til bruk slik at alle fekk noko i magen før kvelden leid på. Det er ikkje berre magen som treng føde. Vel så viktig er det at sjela får mat! Difor hadde me ei fin samling der alle mann song litt til Lina sine vakre gitartonar. Sylviann hadde ein flott andakt der ho minna oss om at sjølv om det er ferie og både studentar og Kolumbus tar ferie, så tar aldri Gud ferie. Han er alltid der for oss! Alltid!
Så godt som alle mann gjekk i meir eller mindre samla flokk opp til sjølve Dalsnuten der me poserte framføre varden. Nokre valde å ta turen heim etter dette, medan andre brukte kvelden vidare til å sitja i ring rundt leirstearinlyset (i mangel av eit bål..) der praten gjekk ivrig. Nokre overnatta heime, andre på toppen av Dalsnuten, og atter andre i eller utanføre lavoane.
Trass i nokre hindringar (ei grind som var vanskeleg å koma gjennom samt eit bildekk som måtte bytast) kom alle seg heim. Og så langt meg er kjend lever alle lukkeleg alle sine dagar. Enn så lenge!
Snipp, snapp, snute, og så var avslutningsturen og Student-KRIK året ute. Vonar du dukkar opp att i august!
|
